„თუ ევროპა ამგვარად განაგრძობს მოქცევას, არც ერთი ევროპელი მსოფლიოს არც ერთ კუთხეში უსაფრთხოდ ვერ გაივლის ქუჩებში. თურქეთი ის ქვეყანა არ არის, რომლის მართვას ვინმე შეძლებს“, - ამის შესახებ, თურქეთის პრეზიდენტმა რეჯეფ თაიფ ერდოღანმა, ანკარაში, საპრეზიდენტო სასახლეში სიტყვით გამოსვლისას განაცხადა.
„თურქეთი არ არის ის ქვეყანა, რომლის მინისტრების გამოგდება შეიძლება და რომლის მოქალაქეებს უხეშად შეიძლება მოექცე“, - აღნიშნა ერდოღანმა.
სიტყვით გამოსვლისას თურქეთის პრეზიდენტმა ევროპულ ქვეყნებს დემოკრატიის, ადამიანის უფლებებისა და თავისუფლებების პატივისცემისკენ მოუწოდა.
ერდოღანმა ასევე გააკრიტიკა ანგელა მერკელის პოზიცია, რომელმაც სოლიდარობა გამოუცხადა ჰოლანდიის ხელისუფლებას თურქეთთან დაპირისპირების ფონზე.