ბრიუსელის აეროპორტში მომხდარი ტერაქტის დროს დაჭრილი ინდოეთის მოქალაქე ნიდჰი ჩაპეკარი, ტელეკომპანია CNN-თან საუბარში, აფეთქების დროს აეროპორტში შექმნილ მდგომარეობას იხსენებს.

აფეთქებიდან რამდენიმე წუთში დაშავებულ ჩაპეკარს ფოტოები სწორედ საზოგადოებრივი მაუწყებლის ჟურნალისტმა გადაუღო, რის შემდეგაც ფოტომასალა მსოფლიოს სხვადასხვა მედიასაშუალებებმა გამოიყენეს.

ბრიუსელის აეროპორტში განხორციელებული ტერაქტის შედეგი, მსოფლიოში მილიონობით მაყურებელმა სწორედ ქეთავან ქარდავას მიერ გადაღებული მასალით ნახა. ის რამდენიმე მეტრში იმყოფებოდა იმ ადგილიდან, სადაც ასაფეთქებელი მოწყობილობა ამოქმედდა.