საზოგადოების ნდობის ამაღლება და სასამართლოების ეფექტიანობის გაზრდა -ეს, ის ძირითადი საკითხებია, რომლებიც სასამართლო სისტემის სტრატეგიის სამოქმედო გეგმაში გაიწერა.

დოკუმენტი მართლმსაჯულების სტრატეგიისა და განვითარების კომიტეტის წევრებმა მოამზადეს.

გეგმას კომიტეტის წევრები ამ წუთებში მოსამართლეებს, პროკურორებს და არასამთავრობო ორგანიზაციების წარმომადგენლებს აცნობენ.

სასამართლო სისტემის სტრატეგია ოთხი პუნქტისგან შედგება. მათ შორის სასამართლოს დამოუკიდებლობა და მიუკერძოებლობა, ასევე ხარისხიანი და ხელმისაწვდომი მართლმსაჯულება.

გეგმა ხუთწლიანია და მისი შემუშავების საკითხი დღის წესრიგში, ევროკავშირთან გაფორმებული ასოცირების ხელშეკრულების გაფორმების შემდეგ დადგა.