მამუკა ახვლედიანმა ფინანსთა სამინისტროს საგამოძიებო დეპარტამენტის შეკითხვებს უპასუხა.
დაკითხვაზე ის უკვე მეორედ იმყოფებოდა. საუბარია პროექტზე „ძველი თბილისის ახალი სიცოცხლე", რომლის მიხედვით, წინა ხელისუფლების დროს 2009 წელს, დედაქალაქის მთავრობამ შეისყიდა დეველოპერული კომპანიებისგან საცხოვრებელი ფართები, რომლებიც იმ ადამიანებს გადაეცათ, ვინც ავარიულ ბინებში ცხოვრობდნენ.
საქმის გამოძიება მესამე წელია მიმდინარეობს, თუმცა ამ დრომდე ბრალი არავის არ აქვს წარდგენილი.
ყოფილი ვიცე-მერი და ამჟამად საკრებულოს დეპუტატი მამუკა ახვლედიანი ვარაუდობს, რომ უახლოეს მომავალში მას ბრალს წაუყენებენ. მისი თქმით, ყველა დოკუმენტს აღნიშნულ პროექტთან დაკავშირებით, ის თავად აწერდა ხელს და რაიმე ფინანსურ დარღვევებს ადგილი არ ჰქონდა.
გამოძიება თანხების მითვისების და გადასახადებზე თავის არიდების მუხლით მიმდინარეობს.