ბრიუსელი მსოფლიო მედიის ყურადღების ცენტრშია. ზავენტემის აეროპორტში მომხდარი ტერაქტიდან ერთი წელი გავიდა.
დასავლური მედია წერს, რომ ტერაქტის წლისთავზე ბრიუსელი კვლავ საგანგებო რეჟიმშია. გაიმართა ცერემონია, სადაც წაიკითხეს დაღუპული 16 ადამიანის სახელი და წუთიერი დუმილით პატივი მიაგეს მათ ხსოვნას.
მეტროს წინ, სადაც მეორე აფეთქება მოხდა, წუთიერი დუმილის ნაცვლად, ერთი წუთის განმავლობაში შეკრებილებმა ტაში დაუკრეს რათა მსოფლიოსთვის ეჩვენებინათ, რომ მოსახლეობას ტერორიზმის არ ეშინია.
2016 წლის 22 მარტს მომხდარ ტერაქტზე, პირველი მასალა საზოგადოებრივი მაუწყებლის ჟურნალისტმა გაავრცელა, რომელიც ტერაქტის დროს აეროპორტში იმყოფებოდა.
აეროპორტში ტერაქტის წლისთავისდმი მიძღვნილ ღონისძიებას, აფეთქების დროს დაჭრილი ადამიანებიც დაესწრნენ, რომელთა ფოტოები სოციალურ ქსელებში პირველად სწორედ საზოგადოებრივი მაუწყებლის ჟურნალისტმა განათავსა.
ბელგიის სამეფო ოჯახი, მეფე ფილიპე და დედოფალი მატილდა სპეციალურ ღონისძიებაზე ქართველ ჟურნალისტს ქეთევან ქარდავას შეხვდა.
სამეფო წყვილი ტერაქტის დროს გადაღებული ფოტოების ისტორიით დაინტერესდა.