გაუქმდება თუ არა მცენარე კანაფის მოყვანა-დათესვისთვის საპატიმრო სასჯელი: საკითხს საკონსტიტუციო სასამართლოში განიხილავენ.

მხარეები დასკვნითი სიტყვით წარდგებიან, რის შემდეგაც პირველი კოლეგია გადაწყვეტილების მისაღებად გავა.

სარჩელი სამ სხვადასხვა საქმეს აერთიანებს, აქედან ორი პირის ინტერესებს მოძრაობა „თეთრი ხმაური” იცავს, წარმომადგენელი ვახუშტი მენაბდეა.

მოსარჩელეებს სადაო ნორმის 265-ე მუხლის არაკონსტიტუციურად ცნობის მოთხოვნა აერთიანებთ.

სარჩელების ავტორები მიიჩნევენ, რომ სასჯელი მკაცრია და 4-დან 7 წლამდე თავისუფლების აღკვეთას არ უნდა ითვალისწინებდეს.

შეგახსენებთ, რომ საკონსტიტუციო სასამართლომ, ერთი წლის წინ 70 გრამამდე გამომშრალი მარიხუანას შეძენა - შენახვის ფაქტზე პატიმრობა გააუქმა.