ლუკაშ პოდოლსკიმ სანაკრებო კარიერა დაასრულა.

31 წლის ფეხბურთელის გაცილების მატჩი, გუშინ, დორტმუნდის სიგნალ იდუნა პარკზე შედგა, სადაც გერმანიის ნაკრებმა ინგლისს უმასპინძლა.

ბუნდესტიმს, რა თქმა უნდა, პოდოლსკი კაპიტნობდა, რომელმაც მატჩის ერთადერთი გოლი მეორე ტაიმში ულამაზესი დარტყმით გაიტანა.

პოდოლსკი გერმანიის ეროვნულ ნაკრებში 2004 წლიდან თამაშობდა და ამ ხნის განმავლობაში 130 ჩატარებულ შეხვედრაში 49 გოლი გაიტანა.

ამ მაჩვენებლით, ის მთლიანად ბუნდესნაკრების ისტორიაში მესამე ადგილზეა. 2014 წელს, ლუკაშ პოდოლსკი მსოფლიოს ჩემპიონი გახდა.