საქართველო ამერიკის ახალი ადმინისტრაციის დღის წესრიგშია და ქვეყნის ინტერესები მაქსიმალურად იქნება გათვალისწინებული, - ასე აფასებს საგარეო საქმეთა მინისტრი ვაშინგტონში ერთკვირიან ვიზიტს.

მიხეილ ჯანელიძემ ორმხრივი შეხვედრები გამართა და მონაწილეობა მიიღო გლობალური კოალიციის კონფერენციაში, რომელსაც 68 ქვეყნის წარმომადგენლები ესწრებოდნენ და რომელზეც ტერორიზმის წინააღმდეგ სამოქმედო გეგმა შეიმუშავეს.

ეს ბოლო ერთი თვის განმავლობაში საგარეო უწყების ხელმძღვანელის მეორე ვიზიტია აშშ-ში და როგორც გაირკვა, უახლოეს მომავალში ვაშინგტონში ჩასვლას პრემიერიც გეგმავს.