სინოდის წევრებს ე.წ. ციანიდის საქმესთან შემხებლობა არ აქვთ, თუმცა საჭიროების შემთხვევაში, სასულიერო პირები მზად არიან გამოძიებასთან ითანამშრომლონ,- განცხადებას საპატრიარქოს იურისტი აკეთებს.

ედიშერ ქარჩავას განმარტებით, საგამოძიებო უწყებამ მეუფე იაკობი, მეუფე თეოდორე და მამა მიქაელ ბოტკოველი უკვე დაკითხა.

საპატრიარქოს იურისტი საქალაქო სასამართლოს მიერ დეკანოზის ადვოკატების შუამდგომლობის დაუკმაყოფილებლობას სამართლიანს უწოდებს და აცხადებს, რომ დაცვის მხარის მოთხოვნა კანონმდებლობას არ შეესაბამებოდა.