პრეზიდენტს აქვს შესაძლებლობა, მაღალი პოლიტიკური მანდატიდან გამომდინარე, ითამაშოს დამაბალანსებლის როლი, - ეს კომენტარი გიორგი მარგველაშვილმა პრეზიდენტის არჩევის წესთან დაკავშირებით გააკეთა.
როგორც სახელმწიფოს მეთაური აღნიშნავს - საზოგადოებას, რომელსაც აქვს უფლება, აირჩიოს პრეზიდენტი და ამ უფლებით არის აღჭურვილი ფაქტობრივად დამოუკიდებლობის პირველი დღეებიდან, ეს უფლება უნდა შეუნარჩუნდეს.
გიორგი მარგველაშვილის თქმით, ყველას აქვს უფლება, წავიდეს არჩევნებზე.
საკონსტიტუციო ცვლილებებზე საუბრისას გორის უნივერსიტეტში სტუდენტებთან პრეზიდენტმა მის ადმინისტრაციასა და მმართველი გუნდის დაპირისპირების შესახებაც ისაუბრა.
პრეზიდენტის თქმით, მმართველ გუნდში ხშირად არის განსხვავებული აზრი, რაც დემოკრატიის განვითარებას უწყობს ხელს თუმცა ხშირად ადგილი აქვს პოლიტიკურ სპეკულაციებს .