მიწისზედა სატრანსპორტო კორიდორის დიზაინი, რომელიც დედაქალაქის მერიის დავალებით აზიის განვიტარების ბანკმა მოამზადა, ავტობუსების ან ტრამვაის სწრაფ ტრანზიტულ სისტემას ითვალისწინებს.

უკვე განისაზღვრა დერეფანი სამი მიმართულებით, რომლის მიხედვითაც, შესაძლებელია ტრამვაიმ ორთაჭალა, ისანი და დიღომი დედაქალაქის ცენტრს დააკავშიროს.

მერიაში ამბობენ, რომ ამ ეტაპზე პრიორიტეტი ავტობუსებისა და მეტროს ვაგონების გამოცვლაა, მომდევნო ეტაპზე კი მერია თანამედროვე ტრამვაის ხაზის გაყვანას განიხილავს.