ტეგები: #იბერია #ტელევიზია #სიახლეები

➲ [აღწერა] პროკურატურამ ე.წ. ციანიდის საქმეზე წმ. სინოდის რამდენიმე წევრი და სხვა სასულიერო პირები დაკითხა. ცნობილი გახდა რამდენიმე მათგანის ვინაობაც - მამა დავით ჭინჭარაული, მეუფეები თეოდორე ჭუაძე, იაკობ ახუაშვილი და პეტრე ცაავა. დაკითხულია პატრიარქის მდივანი მამა მიქაელ ბოტკოველი, რომელიც გუშინ თანამდებობას პატრიარქის თხოვნით დაუბრუნდა. დაკითხვასტან დაკავშირებით კომენტარები გააკეთეს მეუფეებმა. მეუფე თეოდორე მის მიმართ პროკურატურის ინტერესს გერმანიაში პატრიარქთან ერთად ყოფნითა და გიორგი მამალაძესთან სამსახურებრივი ურთიერთობით ხსნის. მეუფე იოანე კი აცხადებს რომ საქმესთან დაკავშირებით დასკვნას მხოლოდ გამოძიების დასრულების შემდეგ გამოიტანს, თუმცა სასულიერო პირი ნდობას პროკურატურას უცხადებს. მეუფე იოანემ მეუფე პეტრეზეც ისაუბრა და აღნიშნა, რომ ის უფრო მკაცრ სასჯელს იმსახურებდა, თუმცა პატრიარქმა წმ. სინოდის წევრების თხოვნით მეუფე პეტრე ეპარქიას არ ჩამოაშორა. პარალელურად, დეკანოზ გიორგი მამალაძის ადვოკატები წმ. სინოდის 23 წევრის გამოკითხვას ითხოვენ, რაზეც უარი ჯერ საპატრიარქოს იურიდიული დეპარტამენტისგან, შემდეგ კი საქალაქო სასამართლოსგან მიიღეს. პირველი ინსტანციის განჩინება მიხეილ რამიშვილმა გუშინ გაასაჩივრა. სააპელაციო სასამართლოს 24 საათიანი ვადა დღეს 12 სააათზე ეწურება.