„ბავშვთა სამყაროში“ ხანძრის შედეგად დაზარალებული მოვაჭრეები ხვალიდან აქციებს გეგმავენ. დღეს კი ისინი მთავრობის კანცელარიასთან შეიკრიბნენ და განაცხადეს, რომ აქციების პარალელურად ორშაბათიდან სხვადასხვა ქვეყნის საელჩოებსაც მიმართავენ.

დაზარალებულები აცხადებენ, რომ თბილისის საკრებულოს შეთავაზებული დახმარება 3 ათასი ლარის ოდენობით არ აკმაყოფილებთ და ადგილობრივი მთავრობისგან მინიმუმ 5- ათასლარიან კომპენსაციებს ითხოვენ.

შეგახსენებთ, რომ ფრაქცია „ქართული ოცნება-დემოკრატიული საქართველოსთვის“ თავმჯდომარის რიმა ბერაძის განცხადებით, ბავშვთა სამყაროში გაჩენილი ხანძრის შედეგად დაზარალებულების რაოდენობა 345 ადამიანით განისაზღვრა; მოხდა მილიონ ლარზე მეტი თანხის მობილიზება და არსებული სიიდან გამომდინარე, თითოეული დაზარალებული ერთჯერადი კომპენსაციის სახით 3000-3000 ლარს მიიღებს.