ნავთობის შემცირებული კვოტებით მოპოვება, დიდი ალბათობით, წლის ბოლომდე გაგრძელდება. შესაბამის შეთანხმებას ოპეკის წევრი და არაწევრი 11 მომპოვებელი ქვეყნის ნავთობის მინისტრებმა ქუვეითში კვირას მიაღწიეს, თუმცა, საბოლოო გადაწყვეტილებას ჯგუფი მაისში მიიღებს.

წლის დასაწყისში ოპეკისა და ნავთობის მომპოვებელი რიგი ქვეყნები, 6 თვით ნავთობის დღიური მოპოვების შემცირებაზე შეთანხმდნენ და შედეგად ნავთობის ფასმა საერთაშორისო ბაზრებზე ზრდა დაიწყო. თუმცა ბოლო რამდენიმე კვირის განმავლობაში, ბაზარზე ჭარბი მიწოდების მოლოდინი შეიქმნა და ფასმა ვარდნა განიცადა, რის გამოც ნავთობის უმსხვილესი მომპოვებლები შეზღუდვის დაწესებას წლის ბოლომდე გეგმავენ.