#ვიზალიბერალიზაცია უვიზო მიმოსვლის ამოქმედების შემდეგ, პირველი ავიარეისი თბილისიდან ვარშავის მიმართულებით შესრულდება. 28 მარტს, ვიზალიბერალიზაციის შემდეგ, საქართველოდან პირველი ფრენა სწორედ პოლონეთის დედაქალაქში, თბილისის დროით დილის 5 საათზე შესრულდება. მომდევნო ფრენები ათენის და მიუნხენის მიმართულებით არის დანიშნული.
ქუთაისის საერთაშორისო აეროპორტიდან კი პირველი ფრენა 5 საათსა და 45 წუთზე ბუდაპეშტის მიმართულებით განხორციელდება. ფრენები ასევე ჩანიშნულია სალონიკის მიმართულებითაც. ბიომეტრიული პასპორტების მქონე საქართველოს მოქალაქეები შენგენის ზონის ქვეყნებში უვიზო მიმოსვლით 180 დღის განმავლობაში 90 დღის ვადით ისარგებლებენ.
უვიზო რეჟიმი გულისხმობს თავისუფალ გადაადგილებას შენგენის ზონის ტერიტორიაზე, რომელიც მოიცავს ევროკავშირის 22 წევრ ქვეყანას, ევროკავშირის 4 არაწევრ ქვეყანას და შენგენის 4 კანდიდატ ქვეყანას.