ქართველი სამბისტების ტრიუმფი რუსეთში. მოსკოვში დასრულებულ მსოფლიო თასის გათამაშებაზე, ჩვენი ნაკრების ღირსება ოთხმა სამბისტმა დაიცვა და ოთხივემ მედალი მოიპოვა.
განსაკუთრებული აღნიშვნის ღირსია ქალი სამბისტების გამოსვლა. ნინო ოძელაშვილი და ელენე ქებაძე პრესტიჟული შეჯიბრის ტრიუმფატორები გახდნენ ორივემ ოქროს მედალი მოიპოვა.
ოძელშვილმა ფინალში რუსი სპორტსმენი, გურციევა ვადაზე ადრე დამაჯრებელად დაამარცხა. ნინომ გამარჯვების აღსანიშნავად, ტრადიციული საფირმო სალტოები და ცეკვა შემოგვთავაზა. ელენე ქებაძემაც გადამწყვეტ ბრძოლაში რუსი მეტოქე დაამარცხა და მეორედ ააჟღერა საქართველოს ჰიმნი მოსკოვში.
რაც ეხებათ ვაჟებს, აქ ვერცხლის და ბრინჯაოს მედლის მფლობელები, 100 კილოგრამ წონით კატეგორიაში დავით ლორიაშვილი და ბექა ბერძენიშვილი გახდნენ.