სამი წლის წინ, ამ დროს უვიზო რეჟიმს ზეიმობდნენ მოლდოვაში. ის იყო აღმოსავლეთ პარტნიორობის პროგრამის პირველი ქვეყანა, რომელთანაც ევროკავშირმა სავიზო რეჟიმი გააუქმა.

ოფიციალურ კიშინიოვს ვიზალიბერალიზაციის სამოქმედო გეგმის შესასრულებლად სამი წელი დასჭირდა. შენგენის ზონაში უვიზოდ მოგზაურობის და პოლიტიკურ-ეკონომიკურ-სოციალურ-კულტურული კავშირების განმტკციების გარდა, 2014 წლიდან დღემდე მოლდოვამ ევროკავშირიდან სოლიდური ფინანსური დახმარებაც მიიღო.

შემდეგი ეტაპი ევროკავშირის სრულუფლებიანი წევრობაა, თუმცა ევროინტეგრაციის გზაზე კიშინიოვს გარკვეული გამოწვევები აქვს.