ამერიკელი მუსიკოსი და პოეტი ბობ დილანი, ნობელის პრემიის მიღებას დათანხმდა. კომიტეტი მუსიკოსს პრემიას პირადად გადასცემს სტოკჰოლმში, სადაც 1-2 აპრილს კონცერტები აქვს დაგეგმილი.
შვედური აკადემიის განცხადებით, წესების თანახმად, მომღერალი საჯარო ლექციას არ წაიკითხავს, თუმცა პირობა დადო, რომ ვიდეო-მონოლოგს გაგზავნის.
ვიდეომიმართვა ბობ დილანმა დეკემბერში ერთხელ უკვე გაუგზავნა კომიტეტს, რომელშიც ამბობს, რომ ნობელის პრემია მისთვის დიდი პატივია.
დილანს პრემია ლიტერატურის დარგში 13 ოქტომბერს მიენიჭა. რამდენიმე დღე ნობელის პრემიის კომიტეტი ბობ დილანს ვერ უკავშირდებოდა, მუსიკოსი მათ ზარებს არ პასუხობდა.
მოგვიანებით კომიტეტმა განაცხადა, რომ დილანთან დაკავშირება მოხერხდა, თუმცა მომღერალი საქმეების გამო დაჯილდოებას ვერ დაესწრებოდა. ნობელის პრემიის დაჯილდოების ცერემონიალი 10 დეკემბერს სტოკჰოლმში გაიმართა.
ბობ დილანი ნობელის პირველი გამარჯვებული გახდა ლიტერატურის დარგში, რომელსაც პრემია მუსიკალური ტექსტებისთვის გადაეცა.