სურსათის ეროვნული სააგენტო აგრარული ბაზრების მონიტორინგს ახორციელებს. სააგენტოს თბილისის სამმართველოს სპეციალისტებმა, აგრარულ ბაზრებში სავაჭრო პავილიონები შეამოწმეს, სადაც ხორცი და რძის ნაწარმი იყიდება.

სააგენტოს მიერ გაცემული რეკომენდაციების შესაბამისად, სარეაბილიტაციო სამუშაოები უკვე ჩატარდა გლდანისა და ცენტრალურ ბაზარში. იანვრიდან საქონლის ხორცისა და ხორც-პროდუქტების ეტიკეტირების წესი ამოქმედდა. რეგლამენტის მიხედვით, ბიზნესოპერატორი ვალდებულია, ეტიკეტზე დაიტანოს სრული ინფორმაცია ხორცის წარმომავლობის შესახებ.