კონსტიტუციაში შესატან ყველა შესაძლო ცვლილებას ვენეციის კომისიას აცნობენ. განსაკუთრებული ყურადღების ცენტრშია ის წინადადებები, რაზეც საკონსტიტუციო კომისია ამ დრომდე ვერ თანხმდება. მათ შორის არის პრეზიდენტის და პარლამენტის არჩევის წესი და ქორწინებასთან დაკავშირებული ჩანაწერი.

ვენეციის კომისია საკუთარ რეკომენდაციებს ოდნავ მოგვიანებით გამოაქვეყნებს. მანამდე კი სადავო ინიციატივებზე დელეგაციის პოზიციას დეპუტატები აჟღერებენ.

განცხადებები არაერთგვაროვანია. მმართველი გუნდი პირობას დებს, რომ კონსტიტუციაში ნებისმიერი ცვლილება მხოლოდ ვენეციის კომისიის პოზიციების გაცნობის შემდეგ შევა.