დღეს, დილით, ნაციონალური საკალათბურთო ასოციაციის მიმდინარე სეზონის ერთ-ერთი ცენტრალური და პრინციპული მატჩი, სან ანტონიოს ეი თი ენდ თი ცენტრში შედგა, სადაც ერთმანეთს დასავლეთ კონფერენციის ორი ლიდერი სან ანტონიო სფერსი და გოლდენ სტეიტ უორიორზი შეხვდნენ. #სპორტი

თამაშს სატურნირო თვალსაზრისით უდიდესი მნიშვნელობა ჰქონდა. უორიორზი ამ მატჩამდე უშუალო კონკურენტს სამი მოგებით უსწრებდა, მასპინძლები გამარჯვების შემთხვევაში მეტოქეს კიდევ უფრო მიუახლოვდებოდნენ და რეგულარული სეზონის მოგების რეალურ შანსს შეინარჩუნებდნენ, თუმცა სტუმრებმა პირველ ტაიმში 17 ქულიანი ჩამორჩენა მალევე აღმოფხვრეს და დარჩენილ სამ მეოთხედში პრაქტიკულად იდეალური კალათბურთი ითამაშეს.

ზაზა ფაჩულიამ გოლდენ სტეიტს ამჯერად 6 ქულა და 4 მოხსნა შესძინა, მისმა გუნდმა კი თამაში ანგარიშით 110-98 მოიგო და სან ანტონიოს უკვე ოთხი მოგებით გაუსწრო. ოკლენდელების წარმატებაში ყველაზე დიდი წვლილი სტეფ კარიმ შეიტანა, რომელმაც 29 ქულა და 11 პასი გააკეთა

რასელ უესტბრუკის მიმდინარე სეზონის 38-ე ტრიპლ დაბლი. ოკლაჰომას ლიდერმა, დღეს დილით, ორლანდოს წინააღმდეგ ოვერტაიმში მოგებულ შეხვედრაში, 57 ქულა 13 მოხსნა და 11 პასი მიითვალა აქტივში.

ენ-ბი-ეის ტრიპლ დაბლების ისტორიაში, 57 ქულით შესრულებული ეს მიღწევა, სარეკორდოა.

უსეტბრუკს ლეგენდარული ოსკარ რობერთსონის შედეგის გასაუმჯობესებლად, დარჩენილ მატჩებში სამი სამმაგი დუბლის შესრულება აკლია, რასაც უდიდესი ალბათობით, სითი თანდერის უკანახაზელი გააკეთებს.