საქართველოს თავდაცვის მინისტრის ვიზიტი უკრაინაში გრძელდება. უკრაინის მინისტრთა კაბინეტში ევროატლანტიკური ინტეგრაციის დარგში უკრაინის ვიცეპრემიერთან შეხვედრაზე ლევან იზორიამ საქართველოსა და უკრაინას შორის არსებული ორმხრივი თანამშრომლობა და მისი გაღრმავების საკითხები განიხილა.
ვიცეპრემიერთან შეხვედრამდე საქართველოს თავდაცვის მინისტრი უკრაინელ კოლეგას არმიის გენერალ სტეფან პოლტორაკს შეხვდა. ლევან იზორიამ კოლეგას საქართველოს თავდაცვის სისტემის ტრანსფორმაციის პროცესისა და ნატო-საქართველოს ურთიერთობების შესახებ ინფორმაცია მიაწოდა და აღნიშნა, რომ მიმდინარე რეფორმირების პროცესი ნატოს სტანდარტების შეიარაღებული ძალების ჩამოყალიბებას ისახავს მიზნად.
საუბარი საერთაშორისო სამხედრო სწავლებებში საქართველოსა და უკრაინის ერთობლივ მონაწილეობასაც შეეხო.
დღესვე, გაფორმდა ურთიერთობების გაღრმავებაზე ერთობლივი განცხადების დოკუმენტი.