ნატო-ს დაფინანსება, რუსეთში და აღმოსავლეთ ევროპაში მიმდინარე მოვლენები -ეს იყო მთავარი თემები, რომლებზე სასაუბროდ შეერთებული შტატების სახელმწიფო მდივანი თანამდებობაზე დანიშვნის შემდეგ ბრიუსელში პირველად ჩავიდა.

ეს იყო ალიანსის მოახლოებული სამიტის მოსამზადებელი შეხვედრა, რომელშიც წევრი ქვეყნების მინისტრები მონაწილეობდნენ.

ნატო-ამერიკის ურთიერთობები უცვლელად რჩება - ასეთი იყო მთავარი გზავნილი ნატო-ს გენერალური მდივნისგან, რომელსაც, მინისტერიალის თარიღის შეცვლის გამო, მედიასთან განმარტებების გაკეთება დასჭირდა.