ქართველი ძიუდოისტების წარმატება, თბილისის გრან პრის გათამაშების პირველივე დღეს. ოლიმპიურ სასახლეში მიმდინარე ტურნირზე, საქართველოს ნაკრებმა ორი ოქროს და ერთი ვერცხლის მედალი მოიპოვა.
60 კილოგრამ წონით კატეგორიაში ქართული ფინალი გამოვიდა. ერთმანეთს ლუხუმ ჩხვიმიანი და ამირან პაპინაშვილი დაუპირისპირდნენ. გამარჯვებას ჩხვიმიანმა მიაღწია და ოქროს მედალთან ერთად 1000 სარეიტინგო ქულა გამოიმუშავა.
ჩვენს გუნდს მეორე ოქრო 66-კილოგრამში ლაშა გიუნაშვილმა შესძინა, რომელმაცც ფინალში მონღოლი ძიუდოისტი ტუმურხულეგ დავაადორი დაამარცხა.
თბილისის გრან პრის გათამაშება ხვალ გაგრძელდება. წინასწარი შეხვედრები დილის 10 საათიდან დაიწყება, ფინალური ბლოკი კი სტარტს 17 საათიდან აიღებს. შეგახსენებთ, რომ თბილისის ოლიმპიურ სასახლეში შეჯიბრზე დასწრება, თავისუფალია