აშშ-ის პრეზიდენტის განცხადებით, ჩინეთის ლიდერთან შეხვედრა რთული იქნება.

„არ შეიძლება დიდი სავაჭრო დეფიციტი და სამუშაო ადგილების დაკარგვა გაგრძელდეს. ამერიკული კომპანიები მზად უნდა იყვნენ, ალტერნატიული ვარიანტები განიხილონ,’’, წერს „თვითერის’’ პირად გვერდზე დონალდ ტრამპი.

გარდა ამისა, როგორც გაეროში აშშ-ის ელჩმა ნიკი ჰეილიმ განაცხადა, დონალდ ტრამპი სი ძინპინთან მოლაპარაკებების ფარგლებში ჩინურ მხარეს ჩრდილოეთ კორეაზე გავლენის მოხდენას მოსთხოვს.

ნიკი ჰეილიმ აღნიშნა, რომ აშშ არ დაუშვებს ჩრდილოეთ კორეის ბირთვული პროგრამის განვითარებას. შეხვედრა 6-7 აპრილს ფლორიდაში გაიმართება.