პარაგვაის დედაქალაქში დემონსტრანტებმა პარლამენტის შენობა გადაწვეს. აქციის მონაწილეები ახალ კანონს აპროტესტებენ, რომლის მიხედვითაც, პრეზიდენტს უფლება აქვს მეორე ვადით იყაროს კენჭი.

1992 წელს მიღებული კონსტიტუციის მიხედვით, პრეზიდენტს მოსახლეობა მხოლოდ ერთი - 5 წლიანი ვადით ირჩევს.

ქვეყნის პირველ პირს საპრეზიდენტო ვადა 2018 წელს ეწურება, მას მეორე ვადითაც სურს ამ პოსტის დაკავება.

გუშინ, გვიან ღამით, პარლამენტის უმაღლეს პალატაში ფარული სხდომა ჩატარდა, სადაც ახალი კანონი მიიღეს, რამაც მოსახლეობის გაღიზიანება გამოიწვია.