აპრილი 1, 2017
151
სიღნაღის მუნიციპალიტეტის სოფელ საქობოდან წნორის საავადმყოფოში, ერთი და იმავე სიმპტომებით დღეს ორი, ხოლო გუშინ ღამით საბავშვო ბაღის ცხრა აღსაზრდელი გადაიყვანეს.
როგორც „მოამბესთან“ ინტერვიუში კლინიკის მთავარმა ექიმმა ოთარ რუაძემ განაცხადა, ბავშვებს აღენიშნებოდათ პირღებინება და მაღალი ტემპერატურა.
ოთარ რუაძე, ამ ეტაპზე, ვერ აკონკრეტებს, მომხდარი საკვებით ინტოქსიკაციას უკავშირდება თუ ვირუსულ ინფექციას. მისი თქმით, ბავშვებს სიმპტომური მკურნალობა ჩაუტარდათ და მათი მდგომარეობა დამაკმაყოფილებელია.
„მოამბესთან“ ინტერვიუში კლინიკის მთავარი ექიმი ამბობს, რომ ფაქტის შესახებ ინფორმაცია მიაწოდეს ჯანდაცვის სამინისტროს, რომელმაც მოკვლევა დაიწყო და მომხდარის მიზეზი მოკვლევის დასრულების შემდეგ გახდება ცნობილი.
მაჩვენე მეტი