დუბაის საინვესტიციო ფორუმში მიიღებს მონაწილეობას თბილისის მერი.

დავით ნარმანია სამუშაო ვიზიტით არაბთა გაერთიანებულ საამიროებში გაემგზავრა. მაღალი რანგის ფორუმის ფარგლებში, დედაქალაქის მერი შეხვედრის მონაწილეებს თბილისის როგორც საინვესტიციო, ასევე ტურისტულ პოტენციალს გააცნობს.

დაგეგმილია შეხვედრები არაბთა გაერთიანებული საამიროების ეკონომიკის მინისტრის მოადგილესთან, ყოველწლიური საინვესტიციო ფორუმის საორგანიზაციო კომიტეტის თავმჯდომარესთან, ასევე კონფერენციის მონაწილე ჰოლდინგების ხელმძღვანელებთან.