სომხეთში საპარლამენტო არჩევნები მიმდინარეობს. ქვეყნის მასშტაბით 2 000-ზე მეტი საარჩევნო უბანი ადგილობრივი დროით 8 საათზე გაიხსნა.

არჩევნებში სულ 5 პოლიტიკური პარტია და 4 ბლოკი მონაწილეობს. საკანონმდებლო ორგანოში მოსახვედრად პარტიებმა ხუთი, ბლოკებმა კი 7 პროცენტიანი ბარიერი უნდა გადალახონ.

არჩევნები პირველად მიმდინარეობს პროპორციული სისტემით, პარტიული სიების შესაბამისად. კონსტიტუციური რეფორმის შედეგად, მეექვსე მოწვევის პარლამენტში 131 -ის ნაცვლად 105 დეპუტატს 5 წლის ვადით აირჩევენ. სომხეთი კი საპარლამენტო რესპუბლიკა გახდება.

2018 წლის 9 აპრილის შემდეგ, რაც მოქმედ პრეზიდენტს უფლებამოსილების ვადა ამოეწურება, ახალ პრეზიდენტს უკვე პარლამენტი აირჩევს.

საარჩევნო უბნები ადგილობრივი დროით 20 საათზე დაიხურება.