10 დაღუპული, 20-ზე მეტი მძიმედ დაშავებული - ასეთია ბოლო მონაცემი სანკტ-პეტერბურგიდან, სადაც დღის მეორე ნახევრიდან უსაფრთხოების განსაკუთრებული ზომები მოქმედებს.
შუადღისას მომხდარი აფეთქების გამო დახურულია მეტროს ყველა სადგური. შემთხვევის ადგილიდან მოქალაქეების ევაკუაცია დასრულდა. დაშავებულების ჰოსპიტალიზების დროს ვერტმფრენებიც გამოიყენეს.
ასაფეთქებელი მოწყობილობა ორ მეტროსადგურს - ,,სენნაია პლოშადსა” და ტექნოლოგიურ ინსტიტუტს შორის დამაკავშირებელ ხაზზე ამოქმედდა. რუსეთის გენერალურმა პროკურატურამ ფაქტს ტერაქტის კვალიფიკაცია მისცა.
ტრაგედიის ადგილზე უკვე იმყოფებოდა ვლადიმერ პუტინი. მომხდარის გამო უსაფრთხოების ზომები გაძლიერდა მოსკოვის მეტროშიც. აფეთქებიდან რამდენიმე საათში სავარაუდო ტერორისტის ვინაობა დადგენილია.