ენერგეტიკის მინისტრმა კახა კალაძემ, სოკარ ჯორჯია გაზის დირექტორთან და ადგილობრივი ხელისუფლების წარმომადგენლებთან ერთად, ზესტაფონის მუნიციპალიტეტის სოფელ ქვედა საზანოში ახლად აშენებული გაზგამანაწილებელი ქსელი დაათვალიერა და სოფლის ცენტრში ჩირაღდანი აანთო.

გაზიფიცირების სამუშაოების შედეგად, ბუნებრივი აირის ქსელში ჩართვის შესაძლებლობა აქვს ქვედა საზანოში მცხოვრებ 1728 ადგილობრივ ოჯახს. ზესტაფონის მუნიციპალიტეტში 87 ათასზე მეტი მეტრი გაზსადენი მოეწყო, სამუშაოებზე სახელმწიფო ბიუჯეტიდან 2 მილიონ 300 ათასი ლარი დაიხარჯა.