ინციდენტების პრევენციის ფორმატში რიგით 76-ე შეხვედრა ერგნეთში უკვე 1 საათია მიმდინარეობს. შეხვედრის დაწყებამდე დე ფაქტო ცხინვალის წარმომადგენელს განსახილველ საკითხებზე კომენტარი არ გაუკეთებია, თუმცა ცნობილია ქართული მხარის პოზიცია.

სახელმწიფო უსაფრთხოების სამსახურის საინფორმაციო ანალიტიკური დეპარტამენტის წარმომადგენლის განცხადებით, ქართული მხარე დღევანდელ შეხვედრაზე საოკუპაციო ხაზთან საგაზაფხულო სამუშაოებისთვის მოსახლეობის შეუფერხებლად გადაადგილებას მოითხოვს. გარდა ამისა, კიდევ ერთხელ დააყენებს გიორგი გიუნაშვილის უპირობოდ გათავისუფლების საკითხს.