ხორვატიის ქალაქ სპლიტში მიმდინარე ევროპის ჩემპიონატზე ძალოსნობაში გუშინ 62 კილოგრამ წონით კატეგორიაში რამინ შამილიშვილმა იასპარეზა, რომელმაც ატაცში, 123 კილოგრამი დააფიქსირა, ხოლო აკვრაში 147 კილო დაიმორჩილა და საბოლოოდ მეცხრე ადგილს დასჯერდა.

დღეს ტურნირზე საქართველოს ღირსებას გიორგი ლომთაძე დაიცავს. ხვალ ფიცარნაგზე, ქალთა შორის, ჩვენი სახელით, ანასტასია გოტრიდი გავა, ხოლო ევროპის ჩემიონატის დასკვნით დღეს გუნდის და მთლიანად ტურნირის ფავორიტები მძიმე წონით კატეგორიაში ოლიმპიური ჩემპიონი ლაშა ტალახაძე და ოლიმპიადის ბრინჯაოს მედლის მფლობელი, ირაკლი თურმანიძე გამოვლენ და, ბუნებრივია, ორივე სპორტსმენისგან გულშემატკივრები მედლებს ელოდებიან.