მიიღეს თუ არა „რუსთავი 2-ის" ადვოკატებმა უზენაესი სასამართლოს დასაბუთებული გადაწყვეტილება .
უზენაესი სასამართლოს თავმჯდომარის ნინო გვენეტაძის თქმით, „რუსთავი 2“-ის საქმეზე უზენაესი სასამართლოს დასაბუთებული გადაწყვეტილება და განჩინება მხარეებს დღეს ჩაბარდება. ამის შესახებ გვენეტაძემ ჟურნალისტებს თემის კომენტირებისას განაცხადა.
„დღეს, უზენაესი სასამართლო ჩააბარებს მხარეებს დიდი პალატის გადაწყვეტილებას და იმ განჩინებებს, რომლებიც საქმესთან დაკავშირებითაა გამოტანილი.
კითხვაზე პასუხი, რომელიც თქვენ გაწუხებთ, არის გადაწყვეტილებაში და განჩინებებში, რომელიც დღეს იქნება მხარეებისთვის ჩაბარებული.
ის, რაც კანონომდებლობით გათვალისწინებული იყო, აბსოლუტურად, კანონმდებლობის მოთხოვნათა დაცვით მიეწოდა მხარეებს და გავრცელდა სასამართლოს ვებგვერდზე“, - განაცხადა გვენეტაძემ.
2 მარტს უზენაესი სასამართლოს დიდმა პალატამ "რუსთავი 2" ქიბარ ხალვაშს მიაკუთვნა. სტრასბურგის სასამართლომ კი გადაწყვეტილების აღსრულება შეაჩერა.
ქეთი ქაშაკაშვილი დეტალებით.