ევროზონის 19 ქვეყანაში, უმუშევრობის მაჩვენებელი ყველაზე დაბალ ნიშნულზეა 2009 წლის შემდეგ. თებერვლის სტატისტიკით, უმუშევრობის დონე 9,5 პროცენტს შეადგენს, რაც იმას ნიშნავს, რომ იანვართან შედარებით, სამუშაოს მაძიებელთა რაოდენობა 140 ათასით შემცირდა.

"ევროსტატის" ინფორმაციით, ყველაზე დაბალი უმუშევრობის მაჩვენებელი ჩეხეთშია და ის 3.4 პროცენტს შეადგენს, გერმანიაში კი 3.9 პროცენტია.

უმუშევრობის ყველაზე მაღალი დონე საბერძნეთსა და ესპანეთშია, შესაბამისად 23.1 და 18 პროცენტი. შეგახსენებთ, ევროზონაში უმუშევრობამ პიკს ფინანსური კრიზისის დროს მიაღწია და მაჩვენებელი 12.1% იყო.