2017 წლის პირველი კვარტლის ბიუჯეტი გადაჭარბებით შესრულდა. ფინანსთა სამინისტროს მონაცემებით, საგადასახადო შემოსავლებმა 2 მილიარდ 300-ს მილიონ ლარს გადააჭარბა, რაც წინა წლის პირველი კვარტლის ანალოგიურ მაჩვენებელს 327 მილიონი ლარით აღემატება.

რაც შეეხება ბიუჯეტის ხარჯვით ნაწილს, სამინისტროში აღნიშნავენ, რომ განსაკუთრებით გაიზარდა ინფრასტრუქტურაზე გაწეული ხარჯი. ფინანსთა მინისტრის მოადგილის განმარტებით, შემოსავლების შესრულების მაღალი მაჩვენებელი ქმნის მოლოდინს, რომ წელს ეკონომიკური ზრდა დაგეგმილზე მეტი იქნება.

ამასთანავე, ბიზნესის გააქტიურებას ხელი შეუწყო ზედმეტად გადახდილი თანხის დაბრუნების პროცესის გამარტივებამ.