სახელმწიფო პროექტების გამო, რამდენიმე ოჯახს ქონების დათმობა მოუწევს. საუბარია ბათუმში დაგეგმილ ახალციხე-ბათუმის ელექტროგადამცემი ხაზის მშენებლობაზე, რისთვისაც ტაოსა და ხიხანის ქუჩაზე მცხოვრებლებმა საცხოვრებელი სახლები უნდა დატოვონ.

ანალოგიური სურათია ქვემო ფონიჭალაში მდებარე მარნეულის ქუჩაზეც, სადაც რუსთავი-თბილისის ჩქაროსნული მაგისტრალი გაივლის. ორივე შემთხვევაში მთავრობა ადგილობრივებს კომპენსაციებს სთავაზობს. თუმცა ოჯახების ნაწილთან შეთანხმება ამ დრომდე ვერ ხერხდება, რის გამოც მათ ქონებას ექსპროპრიაციის გზით ჩამოართმევენ.