ჰონკონგში გამართულ "სოტბის" აუქციონზე იშვიათი ვარდისფერი ბრილიანტი გაიყიდა, რომლის მასა 59,6 კარატია. ქვა სახელწოდებით "ვარდისფერი ვარსკვლავი", ჰონკონგში დაფუძნებულმა საიუველირო მაღაზიათა გლობალურმა ქსელმა რეკორდულად მაღალ ფასად - 71 მილიონ 200 ათას დოლარად იყიდა – რაც ახალი მსოფლიო რეკორდია არა მხოლოდ ბრილიანტის, არამედ ზოგადად ნებისმიერი კატეგორიის ძვირფასი ქვისთვის, რაც აქამდე მსოფლიოს აუქციონებზე გაყიდულა.

ვარდისფერი ბრილიანტი 1999 წელს "დე ბირსის" კომპანიამ აღმოაჩინა და მისი საწყისი წონა 132.5 კარატი იყო. ბრილიანტი ორ წელზე მეტი დროის განმავლობაში მუშავდებოდა, რის შემდეგაც ქვამ ოვალური ფორმა მიიღო.