7, 8 და 9 აპრილს, საქართველოს ვაჟ ჩოგბურთელთა ნაკრები, დევისის თასი ევრო-აფრიკული ზონის მეორე ჯგუფის შეხვედრაში, ლიტვის ნაკრებს უმასპინძლებს.

მატჩები მზიურში მდებარე კორტებზე ჩატარდება. ამასთან დაკავშირებით, დღეს, სპორტისა და ახალგაზრდობის სამინისტროში შეჯიბრის კენჭისყრა ჩატარდა.

წილისყრის შედეგად, გახსნით თამაშში, 7 აპრილს, ერთმანეთს საქართველოს ნომერ პირველი ჩოგბურთელი, ნიკოლოზ ბასილაშვილი ტადას ბაბელისს შეხვდება. იმავე დღეს, გიორგი ცივაძე ლაურინას გრიგელისს დაუპირისპირდება.

შაბათს, წყვილთა თანრიგის მატჩში, ბასილაშვილი-ცივაძეს წყვილი, გრიგელისი მუგევიჩუსის ტანდემს დაუპირისპირდება. სამდღიანი გათამაშება კვირას ისევ ერთეულთა თანრიგის შეხვედრებით დასრულდება.

შეგახსენებთ, რომ საზოგადოებრივი მაუწყებელი მზიურის კორტებიდან პირდაპირ ტრანსლაციებს შემოგთავაზებთ.