პეტერბურგის მეტროპოლიტენში მომხდარ აფეთქებაში ეჭვმიტანილი 8 პირი დააკავეს. რუსმა სამათალდამცველებმა ისინი მოსკოვსა და სანკტ-პეტერბურგში აიყვანეს.

დაკავებულ 2 პირს იმ თვითმკვლელ ტერორისტთან დაუდგინდა კავშირი, რომელმაც მეტროში ბომბი აამოქმედა.

შეგახსენებთ, რომ 3 აპრილს პეტერბურგის მეტროში აფეთქებას 14 ადამიანის სიცოცხლე ემსხვერპლა, 50 მგზავრი კი დაიჭრა. რუსეთის ხელისუფლებამ მომხდარს ტერაქტის კვალიფიკაცია მიანიჭა. პასუხისმგებლობა მომხდარზე ჯერ არცერთ ტერორისტულ დაჯგუფებას არ აუღია.