აშშ-ის სახელმწიფო დეპარტამენტი ოკუპირებულ ცხინვალში 9 აპრილს დაგეგმილ ე.წ. რეფერენდუმს გმობს, ამის შესახებ აღნიშნულია განცხადებაში, რომელიც სახელმწიფო დეპარტამენტის ოფიციალურ ვებ-გვერდზე გამოქვეყნდა.
„გარდა ამისა, ჩვენ ვგმობთ და არ ვაღიარებთ ოკუპირებულ აფხაზეთში 12 და 26 მარტს ჩატარებული არალეგიტიმური არჩევნების შედეგებს და ასევე არ ვაღიარებთ 9 აპრილს ოკუპირებულ ცხინვალში დაგეგმილ არალეგიტიმურ არჩევნებს.
ეს არალეგიტიმური არჩევნები და ე.წ. რეფერენდუმი ტარდება საქართველოს ტერიტორიებზე საქართველოს მთავრობის თანხმობის გარეშე. აშშ სრულად უჭერს მხარს ქვეყნის ტერიტორიულ მთლიანობასა და სუვერენიტეტს საერთაშორისოდ აღიარებულ საზღვრებში. ჩვენი პოზიცია ოკუპირებული აფხაზეთისა და ცხინვალის რეგიონთან დაკავშირებით არის მკაფიო. ეს რეგონები საქართველოს განუყოფელი ნაწილებია“, - აღნიშნულია აშშ-ის სახელმწიფო დეპარტამენტის განცხადებაში.
წყარო: აშშ-ის სახელმწიფო დეპარტამენტი