10 აპრილიდან პირველკლასელთა რეგისტრაცია იწყება. პროცედურა რამდენიმე ეტაპს მოიცავს. 24 აპრილამდე რეგისტრირდებიან მოსწავლეები, რომელთა და-ძმაც სწავლობს კონკრეტულ სკოლაში; ან მშობელი სკოლის თანამშრომელია; ასევე მოსწავლეები, რომელთა ოჯახიდან ერთდროულად ორი ან მეტი ბავშვი შედის პირველ კლასში.

საყოველთაო ელექტრონული რეგისტრაცია განათლების მართვის საინფორმაციო სისტემის ოფიციალურ ვებგვერდზე 8 მაისიდან - 1 ივნისის ჩათვლით განხორციელდება. 2017-2018 სასწავლო წელი 15 სექტემბერს დაიწყება.