სტოკჰოლმში ტერაქტის სავარაუდო შემსრულებელი უზბეკეთის მოქალაქეა. შვედური მედიის ცნობით, 39 წლის ეჭვმიტანილი ტერორისტული ორგანიზაცია ე.წ. ისლამური სახელმწიფოს მიმართ სიმპათიებს გამოთქვამდა.

მის ფეისბუქ-გვერდზე კი ექსტრემისტების სააგიტაციო მასალა აღმოაჩინეს.

ტერორისტული აქტი შვედეთის დედაქალაქ სტოკჰოლმში 7 აპრილს, შუადღისას განხორციელდა. ტერორისტი გატაცებული სატვირთო მანქანით სავაჭრო ცენტრში შეიჭრა, რასაც 4 ადამიანი ემსხვერპლა, რამდენიმე კი დაშავდა.

დაუდასტურებელი ინფორმაციით, სამართალდამცველებმა მანქანაში ასაფეთქებელი მოწყობილობა აღმოაჩინეს.