თურქეთში ართვინის გუბერნიის ხოფის იუსტიციის სახლში საქართველოს მოქალაქე პროკურორმა დაკითხა, რომელმაც საქმის მასალების შესწავლის შემდეგ, როინ ლეონიძე უდანაშაულოდ სცნო.

როგორც „მოამბის“ ჟურნალისტი ადგილიდან იუწყება, ლეონიძეს სამშობლოში დაბრუნების უფლება მიეცა. ჯერჯერობით, უცნობია, როდის გაიმართება სასამართლო პროცესი.

ხოფის იუსტიციის სახლში იმყოფებოდნენ საქართველოს საკონსულოს წარმომადგენლები.

როინ ლეონიძე თურქ სამართალდამცველებს ძალის გადამეტებასა და ფიზიკური შეურაცხყოფის მიყენებას ედავება, მებაჟეები კი მას დაუმორჩილებლობასა და ასევე ცემაში ადანაშაულებენ.

ორივე მხარეს ჩაუტარდა ექსპერტიზა და სამედიცინო შემოწმება. მათ სხეულზე დაზიანებები აღენიშნებათ.

გავრცელებული ინფორმაციით, საბაჟოდან ამოღებულია ვიდეოთვალის კადრები, რომელთა მიხედვითაც საქართველოს მოქალაქის ბრალეულობა არ იკვეთება. ექსპერტიზის შედეგებით, მას სიმთვრალე არ დაუდგინდა.

7 აპრილს ხმაური იყო სარფის საბაჟოზე - ადგილობრივები თურქ მებაჟეებს ერთი პირის ცემაში ადანაშაულებდნენ. ისინი აცხადებენ, რომ დილით, 37 წლის როინ ლეონიძე ოჯახთან ერთად თურქეთში სამუშაოდ მიდიოდა. გამშვებ პუნქტზე თურქმა მებაჟემ მას ჯერ სიტყვიერი შეურაცხყოფა მიაყენა, შემდეგ კი რამდენიმე მებაჟემ მასზე ფიზიკურად იძალადა.