6 ადამიანი დაიღუპა და სულ მცირე 33 დაშავდა ეგვიპტეში მომხდარი მეორე აფეთქების შედეგად. აფეთქება ამჯერად ალექსანდრიაში მდებარე კოპტურ ეკლესიაში მოხდა. სავარაუდოდ, თავი თვითმკვლელმა ტერორისტმა აიფეთქა.

გარდაცვლილთან სამი პოლიციელია, რომლებიც თავდასხმის აღკვეთას ცდილობდნენ. ამის შესახებ ადგილობრივი მედია იუწყება.

დღეს დილით ქალაქ ტანტაში მდებარე წმინდა გიორგის სახელობის კოპტურ ეკლესიაში მომხდარი აფეთქების შედეგად გარდაცვლილთა რიცხვი კი უკვე 26-მდე გაიზარდა. დაშავებულთა რაოდენობა 70-ს აჭარბებს. ისინი საავადმყოფოში არიან გადაყვანილნი.

კოპტურ ტაძარში აფეთქება იმ დროს მოხდა, როდესაც ბზობის დღესასწაულთან დაკავშირებული მსახურება მიმდინარეობდა.