საკონსტიტუციო კომისია მსჯელობის მე-3 ეტაპზე გადადის. უმრავლესობაში ამბობენ, რომ დღეს, კომისიის წევრებმა განვლილ საკითხებზე თავიანთი აზრები უნდა შეაჯერონ. მიუხედავად ბევრი თანხვედრისა, კვლავ რჩება აზრთა სხვადასხვაობა.

ერთ-ერთი წინააღმდეგობრივი საკითხია ქორწინების კონსტიტუციური დეფინიციაც, რომლის სახელისუფლებო ვერსიაც, არასამთავრობოთა აზრით, ჰომოფობიის წამახალისებელ ნაბიჯად შეიძლება ჩაითვალოს.

მესამე სექტორში საკითხის დღის წესრიგში დაყენების აუცილებლობას ვერ ხედავენ. კომისიის მუშაობით უკმაყოფილოა ოპოზიციაც, სადაც მიიჩნევენ, რომ იგი წინასწარ ნაკარნახევ გეგმას მიჰყვება და ამასთან, არ ითვალისწინებს ოპოზიციისა და საზოგადოების აზრს.