„ყაზბეგის“ საბაჟო-გამშვები პუნქტის მუშაობას ფინანსთა მინისტრი გაეცნო. დიმიტრი ქუმსიშვილმა დეტალური ინფორმაცია მიიღო, თუ რა საშუალებები არსებობს ყაზბეგში, საბაჟო კონტროლის გვერდის ავლით ან მისგან მალულად გადაადგილებული საქონლის ეფექტიანად გამოვლენისა და ქვეყანაში უსაფრთხო პროდუქციის იმპორტისთვის.

პირველმა ვიცეპრემიერმა პუნქტის ინფრასტრუქტურა დაათვალიერა და გაეცნო როგორც სატვირთო ავტომანქანების რენტგენოსკანერის, ასევე ბარგის, ხელბარგისა და სხეულის სკანერების მუშაობას.