მარნეულში მცხოვრები ომის ვეტერანი მიტუშა ახალაია დახმარებას ითხოვს.
მეწარმე, რომელსაც წლების განმავლობაში, საკუთარ ბლოკის საამქროში ხუთი ადამიანი ჰყავდა დასაქმებული, აცხადებს, რომ 24 დღეა სამეწარმეო საქმიანობა შეაჩერა, რადგან მისი თქმით, თანამშრომლებს მისი მიწის მომიჯნავე აშინებს და მუშაობის საშუალებას არ აძლევს, რადგან საწარმოს მიწის მისაკუთრება უნდა.
მიტუშა ახალაია აცხადებს, რომ მიწა, სადაც საწარმოა განთავსებული, თავდაცვის სამინისტროსთან გაფორმებული ხელშეკრულების საფუძველზე, მართლზომიერ სარგებლობაში აქვს.
მუქარის და ხელისშეშლის ფაქტს კატეგორიულად უარყოფს მოპასუხე მხარის, ლევან და ზურა ფანგანების ადვოკატი, რომელიც აცხადებს, რომ მიტუშა ახალაიას თავად აქვს მიტაცებული მათი 65 კვადრატი მიწა, რომელიც ლევან ფანგანმა 2006 წელს აუქციონის წესით იყიდა.
მიტუშა ახალაიას დავა აქვს ადგილობრივ თვითმმართველობასთანაც. როგორც გამგეობაში აცხადებენ, სახელმწიფო ქონებაზე განხორციელებული უკანონო მშენებლობის გამო, ის ზედამხედველობის სამსახურმა დაჯარიმა, ამჯერად კი საქმე აღსრულებაზე გადაცემული.