სავალუტო ფონდი საქართველოსთვის 285-მილიონიან პროგრამას ამ კვირაში დაამტკიცებს. ფონდის აღმასრულებელ დირექტორთა საბჭო 12 აპრილს უნდა შეიკრიბოს. საუბარია სამწლიან პროგრამაზე, რომელიც საქართველოში ფონდის მისიის ბოლო ვიზიტისას შეთანხმდა. უკვე ცნობილია, რომ სავალუტო ფონდის 285 მილიონით მხოლოდ სავალუტო რეზერვები შეივსება.

პროგრამის შეთანხმებას წინ უძღოდა ხანგრძლივი განხილვები, საბიუჯეტო პარამეტრებისა და რეფორმების შეთანხმება. ფონდი მთავრობისგან ითხოვდა ფინანსურ დასაბუთებას, რომ ბიუჯეტის დეფიციტი დაგეგმილ 4%-იან ზღვარს არ გასცდებოდა, ასევე მოითხოვა ეროვნულ ბანკში საფინანსო ზედამხედველობის დაბრუნებას, რომლის საკანონმდებლო პაკეტი პარლამენტმა დაჩქარებული წესით დაამტკიცა.