საქართველოს თავდაცვის სამინისტრო უჩა ძოძუაშვილის სამხედრო სამეცნიერო-ტექნიკური ცენტრ „დელტას“ ხელმძღვანელად აღდგენის შესახებ ოფიციალურ ინფორმაციას ავრცელებს.
როგორც ინფორმაციაშია აღნიშნული, უჩა ძოძუაშვილი "დელტაში" 2017 წლის 22 მარტს დაბრუნდა.
"საქალაქო სასამართლომ უჩა ძოძუაშვილის სარჩელი დააკმაყოფილა, რომელიც თავდაცვის მინისტრის 18.05.2016 წლის #1666 ბრძანების ბათილად ცნობას და სსიპ სახელმწიფო სამხედრო სამეცნიერო-ტექნიკური ცენტრის, „დელტას“ გენერალური დირექტორის დროებითი მოვალეობის შემსრულებლის პოზიციაზე აღდგენას ითხოვდა.
საქართველოს თავდაცვის სამინისტრო პატივს სცემს სასამართლოს გადაწყვეტილებას და, მისი აღსრულების მიზნით, ბათილად სცნო თავდაცვის მინისტრის 2016 წლის 18 მაისის #1666 ბრძანება, რის საფუძველზეც უჩა ძოძუაშვილი 2017 წლის 22 მარტს დაუბრუნდა თანამდებობას",-ნთქვამია სამინისტროს ინფორმაციაში.